Барысаўскі завод медпрэпаратаў трапіў у антырэйтынг Расздароўнагляду
Сярод замежных вытворцаў барысаўскія фармацэўты апынуліся на чацвёртым месцы па ліку рэкламацый, што паступілі на іх прадукцыю ў Расіі ў першым паўгоддзі 2012 года.
Рэкламацыі, у прыватнасці, прыйшлі на пяць найменняў дзевяці серый лекавых сродкаў, вырабленых у Барысаве, адзначаюць у Расздароўнаглядзе.
Лідэрамі антырэйтынгу сталі Луганскі хімічна-фармацэўтычны завод (Украіна), кітайская кампанія «Сішуі Ксірканг Фармасьютыкал» і індыйская «Шрэя Лайф Саенсіз».
Таксама ў гэтым пераліку французскі вытворца «Лабараторыі Ружа-Фітафарма», амерыканская кампанія «Сагмел», «Рыхард Бітнэр» (Аўстрыя), «Зэнціва» (Славакія), «Данафа Фармасьютыкал Джойнт Сток Компані» (В’етнам) і «М.Дж. Біяфарм» (Індыя).
