Пры захаванні цяперашняй палітыкі — як макраэканамічнай, так і структурнай — уладам Беларусі будзе вельмі складана захаваць дасягнуты ўзровень жыцця, забяспечыць яго павышэнне. Пра гэта заявіў 29 кастрычніка на брыфінгу ў Мінску кіраўнік місіі МВФ у Беларусі Дэвід Хофман.
«Менавіта таму мы рэкамендуем уладам паўстаць на шлях правядзення глыбокіх структурных рэформ, — прадоўжыў кіраўнік місіі. — Гэта павінна прывесці да павышэння прадукцыйнасці беларускіх прадпрыемстваў і павысіць іх канкурэнтаздольнасць. Рост прыбытковасці прадпрыемстваў дазволіць павышаць узровень зарплат і даходаў і забяспечыць устойлівае павышэнне ўзроўню жыцця. Не хачу сказаць, што гэты пераход лёгкі — магчыма, некаторыя слаі насельніцтва не адчуюць імгненнага эфекту ад правядзення такіх мер. Менавіта таму мы рэкамендуем ураду ўводзіць сістэму адраснай сацыяльнай абароны для найбольш уразлівых слаёў насельніцтва».
