Лідара міжнароднай арганізацыі «Малады фронт», зарэгістраванай у Чэхіі, могуць перавесці з мазырскай калоніі ў турму строгага рэжыму.Прычына — тое, што Дашкевіча прызналі «злосным парушальнікам рэжыму». Дзіўна, калі паспеў ён ім стаць, бо адразу пасля прыбыцця ў папраўчую калонію № 20 Мазыра Зміцер Дашкевіч быў змешчаны ў штрафны ізалятар, а затым — у памяшканне камернага тыпу.
Нагадаем, Дашкевіч быў асуджаны ў сакавіку 2011 года да двух гадоў пазбаўлення волі ў калоніі агульнага рэжыму паводле абвінавачання ў збіцці двух мужчын. Ён адбываў пакаранне ў Горках, Глыбокім. У жніўні Глыбоцкі раённы суд на закрытым выязным пасяджэнні ў калоніі прызнаў Дашкевіча вінаватым у злосным непадпарадкаванні патрабаванням адміністрацыі і прыгаварыў яго да года пазбаўлення волі.
Міжнародныя праваабарончыя арганізацыі прызналі Дашкевіча палітычным зняволеным.
0
0
0
0
0
0