Лаўрэатамі Нобелеўскай прэміі па фізіцы 2018 года сталі амерыканец Артур Эшкін, француз Жэрар Моару і канадка Дона Стрыкленд — за адкрыцці ў галіне лазерных тэхналогій.
Пры гэтым Стрыкленд стала толькі трэцяй жанчынай у гісторыі гэтай узнагароды. Папярэдні раз жанчына атрымлівала Нобеля па фізіцы 55 гадоў таму.
Амерыканскі фізік Эшкін з'яўляецца адным са стваральнікаў аптычнага пінцэта, які паспяхова ўжываўся ў даследаваннях біялагічных сістэм. Французскі вучоны Муру і канадская фізік Стрыкленд прапанавалі ўзмацненне чырпіраваных імпульсаў, якое дазваляе атрымліваць лазерныя імпульсы высокай магутнасці.
Афіцыйная цырымонія ўручэння прэміі адбудзецца 10 снежня (дзень смерці Альфрэда Нобеля) у Стакгольме. Ўзнагароду лаўрэатам перадасць кароль Швецыі Карл XVI Густаў. Сума грашовага ўзнагароджання у 2018 годзе складзе прыкладна адзін мільён даляраў на ўсіх лаўрэатаў прэміі па фізіцы. Палову прэміі атрымае Ашкін, астатняе ўзнагароджанне падзеляць Муру і Стрыкленд.
У сераду будзе названа імя лаўрэата па хіміі.
