Nacbank: Čutki pra rezkuju źmienu 8 studzienia kursaŭ dalara i jeŭra — čystaja pravakacyja i tryźnieńnie 9

U Nacbanku kateharyčna abviarhajuć čutki ab majučym adbycca 8 studzienia rezkim roście kursaŭ dołara i jeŭra, jakija raspaŭsiudžvajucca ŭ sacyjalnych sietkach. «Hetaja infarmacyja — adkrytaje tryźnieńnie i pravakacyja», — zajaviŭ BiełaPAN pres-sakratar Nacyjanalnaha banka Alaksandr Cimašenka.

4 studzienia ŭ fejsbuku była vykładziena fatahrafija SMS, niby adpraŭlenaha z haradskoha telefonnaha numara koł-centra Nacbanka. Ź jaho vynikaje, što kiraŭnik Nacbanka Nadzieja Jermakova padpisała dakumient, adrasavany abłasnym upraŭleńniam Nacbanka i Biełarusbanku, zhodna ź jakim 8 studzienia kurs dalara ustanaŭlivajecca na ŭzroŭni 14.340 rubloŭ, jeŭra — 18.116.

«Heta było b śmiešna, kali b nie było tak pa-durnomu, — zajaviŭ pres-sakratar Nacbanka. — Heta vidavočnaje tryźnieńnie.

Nichto nie admianiaŭ ustanoŭlenych praviłaŭ kursaŭtvareńnia. Zrazumieła, čamu takaja infarmacyja ŭkinutaja napiaredadni śviata. Dla takoha kursu nieabchodna šmatrazovaje pieravyšeńnie popytu nad prapanovaj. A jakija pryčyny dla pavyšanaha popytu? Z-za čaho heta moža adbycca?».

Cimašenka nahadaŭ, što hod tamu anałahičnaja infarmacyja raspaŭsiudžvałasia paśla zakrytaha narady ŭ kiraŭnika Nacbanka.

«Nibyta była narada, pryniata sakretnaje rašeńnie ab pavyšeńni kursu da 15 tysiač rubloŭ. Ale hetaha nie adbyłosia, i adbycca nie mahło», — padkreśliŭ pres-sakratar.

Na 5 studzienia kurs dalara ŭstalavany Nacbankam na ŭzroŭni 8.630, što na 60 rubloŭ bolš kursu na 4 studzienia.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH