32-hadovy Siarhiej Pamazun padazrajecca ŭ žorstkim zabojstvie šaści čałaviek.
Žychary horada niasuć kvietki i źničy da miesca trahiedyi.
Za miescaznachodžańnie 32-hadovaha Siarhieja Pamazuna, jakoha padazrajuć ŭ žorstkim zabojstvie šaści čałaviek u rasijskim horadzie Biełharad, abviaścili ŭznaharodu ŭ pamiery 3 młn rasijskich rubloŭ (kala $100000).
Padazravany maje bahataje kryminalnaje minułaje, paviedamlaje hazieta «Biełhorodskije iźviestija». Jaho niekalki razoŭ sudzili za kradziažy, adnojčy za hvałt suprać supracoŭnika pravachoŭnych orhanaŭ.
Na dadzieny momant praciahvajucca pošuki padazravanaha. Śledčyja miarkujuć, što jon chavajecca ŭ Biełharadzie. Horad raźbity na siektary, jakija staranna pračesvajuć supracoŭniki palicyi. Akramia taho, na rasijska-ukrainskaj miažy z boku Biełharodskaj vobłaści ŭzmocnili pamiežny kantrol.
Nahadajem, što 22 krasavika ŭ Biełharadzie małady čałaviek na BMW ciomnaha koleru spyniŭsia kala kramy «Palavańnie». Jon vyjšaŭ z aŭto i pačaŭ stralać u minakoŭ, a potym zajšoŭ u kramu i praciahnuŭ rasstreł tam. U vyniku na miescy zahinuli piać čałaviek. U tym liku 14 hadovaja školnica. Šostaj achviaraj stała maładaja žančyna 1986 h.n., jakaja pamierła ad ciažkaj rany ŭ balnicy.
Zabojca byŭ uzbrojeny paŭaŭtamatyčnym karabinam «Viepŕ-308», mieŭ da jaho 40 patronaŭ.
