Padstavaj dla pratestu stała nievykanańnie abaviazacielstvaŭ pa ŭstanoŭcy raletaŭ na rynku firmaj-ustaloŭščycaj, piša «Intex-press».
«Pradprymalnikaŭ na rynku nie biez padtrymki miascovych uładaŭ abaviazali ŭstalavać ralety, firma ŭziała niemałyja hrošy, ale ničoha tołkam i nie zrabiła.
Tamu było pryniata rašeńnie pravieści pikiet, kab pryciahnuć uvahu hramadskaści da prablemy karupcyi ŭ čynavienskich kołach», — tak matyvavaŭ svoj pratest Mikałaj Čarnavus.
Pa słovach pradprymalnika, uzhadniać pikiet z harvykankamam jon nie staŭ — «usio roŭna nie dazvolać».
Za toj čas, što jon prastajaŭ kala parku, jaho pikiet nie pryciahnuŭ uvahi supracoŭnikaŭ milicyi abo harvykankama.
Ale pradprymalnik upeŭnieny, što jaho čarhovy pratest nie projdzie biez nastupstvaŭ, bo tolki za hety hod jaho niekalki razoŭ štrafavali za praviadzieńnie niesankcyjanavanych mierapryjemstvaŭ.
