— Ukrainskija uzbrojenyja siły pryviedzienyja ŭ poŭnuju bajavuju hatoŭnaść, adnak situacyja ŭ vojsku składanaja, — skazaŭ v.a. ministra abarony Ukrainy Ihar Teniuch. - Našy uzbrojenyja siły znachodziacca na palihonach na ŭschodnim i paŭdniovym kirunkach zhodna z płanami, ale vyniki niezdavalniajučyja, — cytuje Gazeta.pl zajavu, jakuju Teniuch zrabiŭ z trybuny parłamienta ŭ Kijevie.
Pa słovach ministra, u Suchaputnych vojskach ź ich 41 000 vajskoŭcaŭ u pastajannaj bajavoj hatoŭnaści pavinny być 20 000, ale hatovy da nieadkładnych dziejańniaŭ tolki 6000 vajskoŭcaŭ.
Teniuch adznačyŭ, što de-jure adkrytaj ahresii Rasii va Ukrainie niama, bo kiraŭnictva RF nie pryznaje datyčnaści svaich vojskaŭ da padziejaŭ u Krymie.
«Lubyja aktyŭnyja dziejańni Uzbrojenych sił Ukrainy adnosna stabilizacyi situacyi ŭ Krymie buduć pradstaŭleny suśvietnaj supolnaści jak prymianieńnie siły suprać ułasnaha nasielnictva», — miarkuje jon.
Kiraŭnik Minabarony taksama nahadaŭ, što Ukraina raniej nie razhladała mahčymaści vajennaj pahrozy z boku Rasiei i tamu nie hatovaja da jaje.
«Tamu, kali kazać ab paśpiachovym prymianieńni Uzbrojenych sił Ukrainy suprać takoha supiernika, to havorka idzie pra vierahodnaść značnych vydatkaŭ dziaržaŭnych resursaŭ na ich razhortvańnie i doŭhi čas ich padrychtoŭki i asnaščeńnia», — cytuje Teniucha ahienctva UNIAN.
Jon taksama adznačyŭ, što va Uzbrojenych siłach Rasiei, jakija pravodziać vučeńni kala ŭschodnich miežaŭ Ukrainy i ŭ Krymie, razhornutaja hrupoŭka vojskaŭ kolkaściu 220 tys. čał, a taksama 1800 tankaŭ, bolš za 400 viertalotaŭ.
«Hetaja hrupoŭka ŭ niekalki razoŭ pieravyšaje Uzbrojenyja siły Ukrainy», — dadaŭ jon.
