Pra heta žurnalistam paviedamiŭ kamandujučy Vajenna-pavietranymi siłami i vojskami supraćpavietranaj abarony Uzbrojenych sił Biełarusi Aleh Dvihaloŭ, pieradaje karespandent BiełTA.
«Siońnia ja atrymaŭ zadaču na adpracoŭku pytańniaŭ pa naroščvańni dziažurnych sił pa supraćpavietranaj abaronie Adzinaj rehijanalnaj sistemy SPA Biełarusi i Rasii. Płanami sumiesnych dziejańniaŭ praduhledžanaje pierabazavańnie jak avijacyjnaha składnika Biełarusi na aeradromy Rasii, tak i avijacyi RF na aeradromy ŭ Biełarusi», — zajaviŭ Dvihaloŭ. «Realizujučy pałažeńnie pa Adzinaj rehijanalnaj sistemie SPA, ja prystupiŭ da adpracoŭki pytańniaŭ naroščvańnia dziažurnych sił pa supraćpavietranaj abaronie niepasredna na terytoryi Biełarusi. Siońnia pa ŭzhadnieńni z rasijskim bokam pryniataje rašeńnie ab pierabazavańni źniščalnikaŭ RF na našy aeradromy», — adznačyŭ kamandujučy.
Jon raskazaŭ, što budzie arhanizavanaje sumiesnaje bajavoje dziažurstva pa supraćpavietranaj abaronie jak na aeradromach bazavańnia, tak i na apieratyŭnych aeradromach, jakija byli pravieranyja na pieršym etapie pravierki bajavoj hatoŭnaści Uzbrojenych sił Biełarusi. «Aeradromy hatovyja da pryjomu avijacyi. My ŭžo vykonvajem zadačy pa bajavym dziažurstvie sumiesna z rasijcami na našaj terytoryi sa śniežnia 2013 hoda. Prajšło ŭžo dźvie ratacyi. Zadačy vykonvajucca i vykonvajucca jakasna», — skazaŭ Aleh Dvihaloŭ. Jon rastłumačyŭ, što rasijski składnik taksama pryciahvaŭsia da pravierki ŭ chodzie pieršaha etapu pravierki bojehatoŭnaści US Biełarusi. Takim čynam, pa słovach kamandujučaha, realizacyja pastaŭlenaj zadačy nie niasie asablivaj składanaści i hetaja zadača budzie vykananaja. «Buduć adpracavanyja pytańni patrulavańnia pavietranaj prastory Biełarusi, pytańni ŭzajemadziejańnia rasijskich i biełaruskich ekipažaŭ, pytańni pierabazavańnia na novyja aeradromy, a taksama ŭ cełym zasvajeńnie pavietranaj prastory Respubliki Biełaruś», — raskazaŭ Aleh Dvihaloŭ.
Kamandujučy nahadaŭ, što sa studzienia hetaha hoda ŭ Biełarusi prachodzić pravierka bajavoj hatoŭnaści Uzbrojenych sił. «Na pieršym etapie Vajenna-pavietranyja siły i vojski supraćpavietranaj abarony najbolš intensiŭna pryciahvalisia da pravierki: adpracoŭvalisia pytańni pieradysłakacyi vojskaŭ i častak u novyja rajony, pytańni pierabazavańnia avijacyi na apieratyŭnyja aeradromy, vykanańnia zadač pa pracy pa kantrolnych metach, a taksama pa parušalnikach vykarystańnia pavietranaj prastory. Z kožnym dniom hetaj pravierki kolkaść pryciahnutych złučeńniaŭ i vajskovych častak, a taksama orhanaŭ kiravańnia pavialičvajecca», — skazaŭ Aleh Dvihaloŭ.
