Rasijskija avijapieravozčyki pačali mianiać maršruty vykanańnia svaich rejsaŭ, jakija prachodziać praz terytoryju Ukrainy, u asnoŭnym Kryma.
U sieradu byŭ źmienieny maršrut rejsa «Aerafłota», jaki ruchaŭsia ŭ Simfieropal. Avijakampanija pačała vykarystoŭvać bolš doŭhi maršrut, jaki prachodzić u asnoŭnym pa terytoryi RF, abychodziačy macierykovuju Ukrainu. Raniej avijakampanija ažyćciaŭlała pralot karotkim maršrutam, praz terytoryju Ukrainy.
U svaim aficyjnym twitter «Aerafłot» paćvierdziŭ hetuju infarmacyju. «Siońnia było pryniata rašeńnie ab vykanańni rejsaŭ pa inšym maršrucie. Pytańni ekanomii aeranavihacyi nie razhladalisia», — adznačajecca ŭ paviedamleńni pieravozčyka.
Źmieny praciahnulisia i ŭ čaćvier. Pa bolš doŭhim maršrucie «Aerafłot» vykanaŭ rejs sa Stambuła (SU 2137) i ŭ Antaliju (SU 2741).
Źmieny zakranuli taksama rejsy rasijskich avijakampanij «Transaera», NordWind, a hetak ža niekatorych zamiežnych pieravozčykaŭ, naprykład, Turkish Airlines.
