Siabar Homielskaj abłasnoj arhanizacyi Abjadnanaj hramadzianskaj partyi Uładzimir Šycikaŭ źmieščany ŭ izalatar časovaha ŭtrymańnia.
Aktyvista zatrymali ŭ subotu ŭ Homieli paśla pieradvybarčaha pikieta śpikieraŭ AHP, jaki prachodziŭ kala handlovaha doma «Rečycki» pad łozunham «Patrabujem sumlennych vybaraŭ».
Šycikaŭ trymaŭ płakaty «Pucinskaja Rasija, ty zvarjacieła» i «Blask rezidencyj nie vyratuje dyktatara»
Da aktyvista AHP padyšli supracoŭniki milicyi. Jany papiaredzili aktyvista, što toj nie maje prava trymać płakaty, jakija nie tyčacca vybarčaj tematyki. Adnak Šycikaŭ admoviŭsia zharnuć płakaty, nastojvajučy na tym, što nie parušaje zakon, i praciahnuŭ stajać ź imi da kanca pikieta, jaki doŭžyŭsia kala hadziny.
Paśla jaho zaviaršeńnia milicyjanty zatrymali aktyvista i dastavili ŭ aporny punkt. Šycikaŭ dastaŭleny ŭ izalatar časovaha ŭtrymańnia, dzie prabudzie jak minimum da paniadziełka, da pasiadžeńnia suda. Mierkavana na jaho składzieny administracyjny pratakoł — albo za parušeńnie vybarčaha zakanadaŭstva, albo pa parušeńnie zakona ab masavych mierapryjemstvach.
