Amal 600 žycharoŭ viosak Kabaki, Narutavičy i Sialec, u jakich ułada vyniščyła śviniej, padpisalisia pad zvarotam u Ministerstva sielskaj haspadarki, patrabujučy viarnuć im prava hadavać śviniej.
Jany patrabujuć ad ułady pierahledzieć narmatyvy sanitarnaj zony, uličvajučy, što epidemii afrykanskaj čumy ŭ Bieraściejskaj vobłaści i Biarozaŭskim rajonie nie było. Adzin z padpisantaŭ zvarotu Alaksandr Alichvier kaža:
«Patrabujem vyklučyć z hetaj piacikiełamietrovaj zony try vioski, bo hetaja zona zakranaje ich častkova. A z-za taho, što ŭ zonu trapiła niekalki damoŭ, to pa słovach miascovaj ułady, kab nikomu nie było kryŭdna, zabaranili trymać śviniej va ŭsioj vioscy. Čamu nie zrabić naadvarot, i nie źmienšyć zonu na 200 mietraŭ i dazvolić ludziam hadavać śviniej?»
Pa słovach Alaksandra Alichviera, miascovyja čynoŭniki nie chočuć prysłuchacca da słovaŭAlaksandra Łukašenki, jaki rekamiendavaŭ padychodzić da bufiernych zonaŭ tvorča, što nie treba cyrkulem aharodžvać usiu terytoryju i vyrezvać tam usich śviniej. Tamu treba prymusić usio ž taki čynoŭnikaŭ słuchać Łukašenku.
