Sankcyi amierykanskich uładaŭ suprać šerahu rasijskich biźniesmienaŭ źviazanyja z tym, što jany źjaŭlajucca asobami, nabližanymi da prezidenta Rasii.
Nahadajem, u papoŭnieny «čorny śpis» siońnia patrapili biźniesmieny Juryj Kavalčuk, Hienadź Cimčanka, Arkadź i Barys Rotenbierhi. «Dadzienyja asoby… dziejničali dziela abo ad asoby bujnoj dziaržaŭnaj aficyjnaj asoby, a taksama akazvali joj padtrymku», — cytuje paviedamleńnie Minfina ZŠA RIA «Novosti».
U pryvatnaści, adznačajecca, što Uładzimir Pucin maje dolu ŭ trejdary Gunvor, 44% akcyj jakoha naležać Cimčanku. U svaju čarhu Gunvor adkazaŭ na dadzienuju zajavu Minfina ZŠA: «Pucin nie vałodaje dolaj u kampanii i nie źjaŭlajecca jaje bienieficyjaram».
Što da Arkadzia i Barysa Rotenbierhaŭ, dyk jany «zarabili miljardy dalaraŭ na kantraktach dla «Hazprama» i zimovych Alimpijskich hulniaŭ u Sočy, jakija zaklučylidziakujučy Pucinu. Z hetych kantraktaŭ jany atrymali kala 7 miljardaŭ dołaraŭ».
Što da Juryja Kavalčuka, dyk jon źjaŭlajecca «piersanalnym bankiram» dla bujnych rasijskich čynoŭnikaŭ, uklučajučy kiraŭnika rasijskaj dziaržavy. Paviedamlajecca, što bank «Rasija», u jakim u Kavalčuka 30,3%, absłuhoŭvaje vyšejšych aficyjnych asobaŭ.
