Jeŭrasajuz hatovy dapamahać Ukrainie palityčna i ekanamična, niahledziačy na supraciŭ Rasijskaj Fiederacyi.
Pra heta zajaviła prezident Litvy Dala Hrybaŭskajcie pierad pačatkam cyrymonii padpisańnia Pahadnieńnia ab asacyjacyi Ukraina — ES u piatnicu ŭ Bruseli.
«My hatovyja padtrymlivać ukraincaŭ i ŭładu Ukrainy palityčna i ekanamična. My razam ź imi. Jeŭrapiejski Sajuz hatovy dapamahać štodnia», — zajaviła litoŭski lidar.
Na ŭdakładniajučaje pytańnie ab mahčymaj niehatyŭnaj reakcyi i abmiežavańniach z boku RF Hrybaŭskajcie padkreśliła, što «nichto nikoha nie baicca».
