Na ziamli akupavanaj,
Dzie ŭładaryli čužyncy,
Siejaŭ ziernie – ziernie praŭdy
Jaśka-haspadar z-pad Vilni.
Kab viakoŭ nie źnikła pamiać,
Nie zapustavali dušy,
Siejaŭ ziernie – ziernie viery
Jaśka-haspadar z-pad Vilni.
Na vyzvolny klič Ajčyny
Dziela pryšłaści ščaślivaj
Siejaŭ ziernie – ziernie voli
Jaśka-haspadar z-pad Vilni.
Kab nie stalisia rabami
Pad maskoŭskim panavańniem,
Baraniŭ ziamlu śviatuju
Jaśka-haspadar z-pad Vilni.
Zadryžeŭ maskal pahany,
Pomsta ŭ sercach zakipieła,
Kosy brać, brać kosy klikaŭ
Jaśka-haspadar z-pad Vilni.
Muraŭjoŭ zdabyčy prahnuŭ,
Paciraŭ złaŭciešna ruki,
Jak byŭ kinuty ŭ viaźnicu
Jaśka-haspadar z-pad Vilni.
Nakazaŭ pryśpiešyć stratu,
Uzdychnuŭ maskal z palohkaj,
Jak byŭ stračany na płoščy
Jaśka-haspadar z-pad Vilni.
Nie pakinuli mahiły,
Rychtavali śmierć druhuju,
Kab źnik z pamiaci ludskoje
Jaśka-haspadar z-pad Vilni.
Dy zmahar zaŭždy z narodam,
Za ziamlu, za kraj svoj rodny
Vajavaŭ i vajavaćmie
Jaśka-haspadar z-pad Vilni.
Dla tvajho, narodzie, ščaścia
Ziernie praŭdy, viery, voli
Viekaviečna budzie siejać
Jaśka-haspadar z-pad Vilni.
22.03.2000
