Viktar Janukovič zajaviŭ, što prasiŭ prezidenta Rasii Uładzimira Pucina vykarystać rasijskija vojski dla abarony žyćciaŭ ukraincaŭ. Pra heta paviedamlaje Associated Press.
Palityk dadaŭ, što ŭ adździaleńni Kryma ad Ukrainy vinavatyja ciapierašnija ŭłady ŭ Kijevie, a Rasija i sam Janukovič «ni pry čym».
Pa słovach Janukoviča, refierendum u Krymie byŭ formaj pratestu miascovaha nasielnictva suprać novych ukrainskich uładaŭ.
Pra jakuju demakratyčnaść vybaraŭ možna kazać, kali natoŭpy bandytaŭ chodziać vakoł VR. Tamu vyniki prezidenckich vybaraŭ (25 maja) buduć vyklikać pytańni, skazaŭ jon.
Na pytańnie, chto davaŭ zahad snajpieram stralać pa ludziach, Janukovič skazaŭ, što stralba viałasia ŭ toj čas, kali jon vioŭ trochbakovyja pieramovy, a stralba viałasia z budynkaŭ, jakija kantralavalisia apazicyjaj.
«Ja nikoli nie davaŭ nijakich ukazańniaŭ stralać, i zbroja nikoli nie vydavałasia tym śpiecpadrazdialeńniam, jakija ŭdzielničali ŭ abaronie dziaržastanoŭ», — skazaŭ jon.
«Nijakaja ŭłada nie varta i kropli kryvi», — dadaŭ jon. «U mianie ruka nie padymałasia», — skazaŭ jon.
Jon zaŭvažyŭ, što Majdan padzialiŭsia na dźvie častki: na mirnych ludziej, i radykalnuju ŭzbrojenuju častku», — skazaŭ jon. Jon dadaŭ, što ličyć hetych ludziej bandytami.
