Pieršaj madellu aŭtamabilaŭ, zborku jakich u ramkach prajekta ź biełaruska-brytanskim pradpryjemstvam «Junisan» pačnie ŭ Biełarusi General Motors, stanie Chevrolet abo Opel.
Chevrolet, ilustracyjnaje fota
Ab hetym u sieradu išła razmova na sustrečy ŭ biełaruskim uradzie premjer-ministra Michaiła Miaśnikoviča z prezidentam i kiraŭnikom kampanii pa SND Rasijskaj Fiederacyi Endru Danstanam.
Ramačnaje pahadnieńnie ab zborcy madelej aŭtamabilaŭ General Motors na vytvorčych mahutnaściach SP ZAT «Junisan» u Biełarusi było padpisana ŭ červieni 2013 hoda. Siońnia hety prajekt — adzin z pryjarytetnych dla Respubliki Biełaruś. Supravadžaje jaho hrupa vysokaha ŭzroŭniu na čale ź vice-premjeram Piatrom Prakapovičam.
Učora paviedamlałasia, što pieršaja mašyna sydzie z kanviejera 3 lipienia.
Zakranajučy pytańni pašyreńnia supracoŭnictva z General Motors, Michaił Miaśnikovič prapanavaŭ kampanii pryhledziecca da mahčymaściej biełaruskaj pramysłovaści, jakaja siońnia vypuskaje davoli kankurentazdolnyja aŭtakampanienty. U cełym kiraŭnik urada bačyć dobryja pierśpiektyvy dvuchbakovaha supracoŭnictva.
Kampanija General Motors i jaje partniory vypuskajuć aŭtamabili ŭ 30 krainach. Jana źjaŭlajecca lidaram aŭtamabilnaha rynku, samaha vialikaha i chutkarosłaha ŭ śviecie. General Motors naležać takija brendy, jak Chevrolet, Cadillac, Baojun, Buisk, GMC, Holden, Isuzu, Jiefang, Opel, Vauxhall i Wuling. U Rasii kampanija pradstaŭlena z 1992 hoda brendami Chevrolet, Opel i Cadillac.
