Pa infarmacyi Kamiteta dziaržkantrolu, šaściora žycharoŭ Mioraŭ zajmalisia niezakonnaj pradprymalnickaj dziejnaściu. Pa zanižanych cenach jany nabyvali bykoŭ i karoŭ žyvoj vahoj u sielskahaspadarčych pradpryjemstvach rajona, zabivali žyviołu i pierapradavali pasiarednikam. Apošnija vyvozili miasa ŭ Sankt-Pieciarburh, dzie raspaŭsiudžvali pa rynkach i handlovych sietkach.
Pa papiarednich padlikach, z maja 2013 pa sakavik 2014 hrupa skupiła i vyviezła ź Biełarusi nie mienš za 500 bykoŭ i 300 karoŭ, atrymaŭšy niezakonny prybytak u 3 miljardy rubloŭ (300 tysiač dalaraŭ).
Padčas pieratrusu ŭ zatrymanych kanfiskavali zołata, srebra, valutu i biełaruskija rubli. Nakładzieny aryšt na aŭtamabili i inšyja rečy na sumu 150 miljonaŭ rubloŭ. Kiraŭnik hrupy znachodzicca pad vartaj.
