Pa ŭzhadnieńni z čyhunačnymi administracyjami Biełaruskaja čyhunka adkryła prodaž biletaŭ na ciahniki №100/99 Minsk — Simfieropal (adpraŭleńniem štodzień z 1 pa 15 červienia) i №393/394 Połack — Simfieropal (adpraŭleńniem z 2 pa 14 červienia pa dniach kursiravańnia). Ab hetym paviedamlajecca na sajcie BČ.
U novym hrafiku ciahnik №100/99 Minsk — Simfieropal budzie adpraŭlacca štodzień sa stancyi Minsk-Pasažyrski ŭ 07.45 i prybyvać na stancyju Simfieropal-Pasažyrski na nastupny dzień u 13.05. Čas adpraŭleńnia ciahnika ŭ zvarotnym napramku ź Simfieropala — 19.20, prybyćcia ŭ Minsk — 23.17 nastupnaha dnia.
Ciahnik № 393/394 Połack — Simfieropal budzie adpraŭlacca z 2 červienia raz na čatyry dni sa stancyi Połack u 16.58 i prybyvać na stancyju Simfieropal-Pasažyrski na nastupny dzień ŭ 8.42. U zvarotnym napramku ciahnik budzie adpraŭlacca ź Simfieropala ŭ 11.45 i prybyvać u Połack u 23.47 nastupnaha dnia.
