Hramadskija aktyvisty i błohiery sabralisia kala konsulstva Rasijskaj Fiederacyi ŭ Kijevie, kab pravieści ściobnuju antyrasiejskuju akcyju pratestu.
Kala 50-ci čałaviek u kaściumach-»vatoŭkach», z abrazami Stalina i ściahami Rasii i DNR vykrykvali łozunhi: «Pucin nie ch*jło», «Kadyraŭ taksama vieteran», «Pucin, uviadzi vojski».
Akcyju daviałosia pravodzić praz darohu ad konsulstva, pakolki prachod u konsulstva pierakryła vialikaja kolkaść milicyjantaŭ. Čamuści na viasioły fłeš-mob pryhnali niekalki aŭtobusaŭ milicyi i bajcoŭ bataljona Kijeŭ-1, jakija apošnim časam vykonvajuć na akcyjach funkcyju śpiecpadraździaleńnia «Bierkut». U vidavočcaŭ byli raznastajnyja reakcyi na dziejańni: u kahości heta vyklikała škvał śmiechu, niechta kryčaŭ «Pucin — ch*jło». Adnak nijakich sutyknieńniaŭ nie było.
Raniej paviedamlałasia, što ranicaj adbyłosia nieparazumieńnie. Aktyvisty niekatorych nacyjanalistyčnych arhanizacyj, nie zrazumieŭšy humaru, mieli namier pryjści i razahnać «antyŭkrainskaj dziejańni», adnak abyšłosia biez ahresii. Taksama na akcyi možna było nabyć minijaciurnaha «vatoŭnika». Častku zaroblenych srodkaŭ arhanizatary akcyi paabiacali pieradać na patreby ŭkrainskaj armii i dobraachvotnych bataljonaŭ, jakija zaraz vajujuć na Uschodzie.
