U Babrujsku supracoŭniki finansavaj milicyi kanfiskavali 3420 litraŭ vadkaści z utrymańniem śpirtu na sumu 171 młn rubloŭ, jakuju pieravoziŭ žychar Rasii.
Jak paviedamiŭ namieśnik načalnika ŭpraŭleńnia departamienta finansavych rasśledavańniaŭ pa Mahiloŭskaj vobłaści Alaksandr Šarojkin, 23 vieraśnia ŭ Babrujsku supracoŭnikami finansavaj milicyi i DAI pa vulicy Papova była spyniena aŭtamašyna Iveco z paŭpryčepam, jakoj kiravaŭ 34-hadovy žychar Kałužskaj vobłaści Rasijskaj Fiederacyi.
«U joj pieravoziłasia 3420 litraŭ vadkaści z utrymańniem śpirtu na sumu 171 młn rubloŭ vytvorčaści Rasijskaj Fiederacyi ŭ piacilitrovych PET-butelkach biez najaŭnaści supravadžalnych dakumientaŭ, jakija paćviardžali b lehalnaść jaje ŭvozu, a taksama nie markiravanaj va ŭstanoŭlenym paradku kantrolnymi znakami Respubliki Biełaruś», — paviedamiŭ Šarojkin.
Jak vyśvietlili pravaachoŭniki, vadkaść z utrymańniem śpirtu była dastaŭlena ŭ Babrujsk z Maskvy i pryznačałasia dla dalejšaha nielehalnaha pieraprodažu ŭ pryvatnym siektary.
«Za dapuščanaje parušeńnie pravaparušalnik pryciahnuty da administracyjnaj adkaznaści pa častcy 3 artykuła 12.27 KoAP Respubliki Biełaruś u vyhladzie štrafu ŭ pamiery 15 młn rubloŭ z kanfiskacyjaj śpirtu. Suma štrafu ŭžo vypłačana ŭ biudžet», — raskazaŭ pradstaŭnik finansavaj milicyi.
