Prezident Ukrainy Piatro Parašenka padpisaŭ zakon ab lustracyi. Pra heta ŭ čaćvier, 9 kastryčnika, paviedamlaje tvrain.ru.
Deputaty Viarchoŭnaj rady Ukrainy zakonaprajekt ab lustracyi pryniali 16 vieraśnia. Zhodna z novym zakonam, siarod usich dziaržsłužačych — ad vajskoŭcaŭ i da čynoŭnikaŭ — budzie praviedziena maštabnaja pravierka. Pa jaje vynikach buduć zvolnienyja i straciać prava zajmać dziaržaŭnyja pasady asoby, jakija zajmali z 25 lutaha 2010 hoda pa 22 lutaha 2014 h pasady prezidenta, premjer-ministra, pieršaha vice-premjera, ministraŭ, kiraŭnikoŭ NBU, SBU, prakurory Kijeva i abłasnych centraŭ.
Na takich ža ŭmovach buduć zvolnienyja ŭsie vysokapastaŭlenyja čynoŭniki, jakija zajmali pasady z 25 lutaha 2010 hoda pa 22 lutaha 2014 (u pieryjad znachodžańnia va ŭładzie Viktara Janukoviča), rabotniki pravaachoŭnych orhanaŭ, dziaržsłužačyja i słužbovyja asoby orhanaŭ miascovaha samakiravańnia, što nanieśli «škodu žyćciu, zdaroŭju i majomaści udzielnikaŭ Jeŭramajdanu. Heta ž tyčycca asob, jakija publična zaklikali da sieparatyzmu.
Aprača taho, Ukrajina vyrašyła raźvitacca i z naščadkami kamunistyčnaj namienkłatury.
Lustracyja pazbavić pasadaŭ asob, jakija znachodzilisia da 19 žniŭnia 1991 hoda na kiroŭnych pasadach u KPSS i VŁKSM, palitrabotnikaŭ Uzbrojenych sił SSSR i MUS SSSR, byłych supracoŭnikaŭ śpiecsłužbaŭ i asob, «jakija mieli dačynieńnie da palityčnaha pieraśledu udzielnikaŭ ukrainskaha nacyjanalna-vyzvalenčaha ruchu časoŭ Druhoj suśvietnaj vajny i pavajennaha času».
