Uzbrojenyja siły ZŠA płanujuć užo ŭ nastupnym hodzie pačać sieryjnuju vytvorčaść novaj lehkaj kołavaj techniki, jakaja ŭ značnaj stupieni zamienić džypy Humvee.
Streł z supraćtankavaha kompleksu BGM-71 TOW, jaki ŭstalavany na džypie Humvee.
Sučasnyja Humvee (ad High Mobility Multipurpose Wheeled Vehicle — Vysokamabilnaja šmatmetavaja kołavaja mašyna) pastupili na ŭzbrajeńnie jašče ŭ 1985 hodzie i ŭdzielničali praktyčna va ŭsich vojnach i kanfliktach, jakija vialisia z tych časoŭ Amierykaj.
Paśla Vajny ŭ Piersidskim zalivie ŭ 1991 hodzie mašyna, jakaja rehularna traplała ŭ abjektyvy žurnalistaŭ, stała takoj papularnaj, što ŭ 1992 hodzie źjaviŭsia jaje cyvilny varyjant — Hummer.
Mahčymy kandydat na zamienu Humvee — ad Oshkosh Corp.
Adnak u 2000-ja hady padčas vojnaŭ i Iraku i Afhanistanie Humvee časta faktyčna vykarystoŭvalisia zamiest branietransparcioraŭ, byli vymušanyja vytrymlivać ciažki ahoń praciŭnika i časta rabilisia achviarami minnaj vajny. U suviazi z hetym Pientahon vyrašyŭ pačać šukać bolš abaronienuju i nadziejnuju techniku, jakaja b vyzvaliła džypy ad nieŭłaścivaj im taktyčnaj roli.
Prahrama pa raspracoŭcy novych mašyn, jakaja atrymała nazvu «Adzinaja lohkaja taktyčnaja mašyna» (Joint Light Tactical Vehicle) musić da kanca hetaha hodu zaviaršycca apošnimi vyprabavańniami kankurujučych pratatypaŭ. Paśla vyprabavańniaŭ i acenki ich vynikaŭ amierykanskija vajskoŭcy zrobiać vybar na karyść lepšaha pratatypa i zamoviać pieršuju sieryju mašyn — letam 2015 hoda.
Pratatypy ad kampanii AM General — «baćki» Humvee.
Usiaho suchaputnaja armija ZŠA płanuje nabyć kala 49000 novych džypaŭ, a Korpus marskoj piachoty — kala 5500. Ahulnaja suma vydatkaŭ na hetuju prahramu moža skłaści kala $23 młrd.
