Avijacyja Ukrainy paniesła značnyja straty ŭ zmahańni z rasiejskimi bajevikami na ŭschodzie krainy i maje patrebu ŭ adnaŭleńni i madernizacyi parka.
Z hetaj pryčyny dziaržaŭnaje kiraŭnictva viarnułasia da idei ŭziać na ŭzbrajeńnie i damovicca pra łakalizacyju vytvorčaści šviedskich mnahametavych źniščalnikaŭ JAS39 Gripen, piša sajt militaryinformant.com.
«Hryfony» raspracoŭvalisia jak hnutkaja ŭniviersalnaja abarončaja zbroja: jany musili być nadziejnymi, prostymi i zručnymi ŭ absłuhoŭvańni, mieć mahčymaść dziejničać ź impravizavanych aeradromaŭ i zvyčajnych daroh.
JAS39 Gripen šviedskich pavietranych sił.
Jašče adzin, bolš tanny, varyjant supracoŭnictva praduhledžvaje arendu 21 «Hryfona».
Źniščalnik pakaleńnia 4+ – dzicia šviedskaj aerakaśmičnaj hrupy Saab – asnoŭny bajavy samalot švedzkich uzbrojenych siłaŭ, vykarystoŭvajecca taksama vojskami Čechii, Vienhryi, Paŭdniovaj Amieryki, Tajłanda.
Ciapier tolki ZŠA maje źniščalniki 5 pakaleńnia na ŭzbrajeńni – heta mašyny F22 Raptor.
Rekłamnaje videa Saab pra Gripen.
Niekalki hod nazad Gripen vyjhraŭ tender na pastaŭku 36 mašyn u Braziliju, atrymaŭšy pieramohu nad takimi kankurentami, jak Eurofighter Typhoon, Su-35, Rafale i F/A-18E/F Super Hornet.
