Novym staršynioj Biełaruskaj fiederacyi valejboła (BFV) vybrany kiraŭnik Śledčaha kamiteta Valancin Šajeŭ. Za jaho kandydaturu adnahałosna prahałasavali ŭdzielniki siońniašniaj spravazdačna-vybarnaj kanfierencyi BFV.
Valancin Šajeŭ źmianiŭ na pasadzie kiraŭnika valejbolnaj fiederacyi Barysa Baturu, jaki zajmaŭ jaje z 1999 hoda, pieravybirajučysia čatyry razy zapar (apošni — u krasaviku 2011 hoda). Staršynia Biełaruskaj fiederacyi valejboła vybirajecca na 4 hady.
Namieśnikami novaha kiraŭnika BFV stali Pavieł Ihnataŭ i Ihar Smalaninaŭ. Udzielniki kanfierencyi vybrali taksama novy skład prezidyuma, u jaki akramia nazvanych kiraŭnikoŭ uvajšli Mikałaj Anańjeŭ, Valeryj Saŭčanka, Siarhiej Šykuniec, Pavieł Šykuniec, Mikałaj Paźniak, Andrej Karpienka, Viktar Izmaškin i Volha Rachman.
Na pasiadžeńni pryniaty niekatoryja źmianieńni ŭ statut Biełaruskaj fiederacyi valejboła.
