«Savieckija» kaŭbasa i sasiski, jakija karystajucca vialikaj papularnaściu, pavinny źniknuć z pryłaŭkaŭ kram Litvy. Sami vyraby zastanucca, tolki buduć u prodažy pad inšaj nazvaj. Kampanija-vytvorca vyrabaŭ pad hetaj nazvaj — Samsonas — płanuje mianiać brend sa śniežnia.
Uładalnik i prezident kampanii Samsonas Alfredas Rymidzis skazaŭ, što takoje rašeńnie było pryniata z ulikam hieapalityčnaj situacyi.
«Prykładna dva hady tamu my praviali daśledavańni rynku, jakija pakazali, što brend «Savieckija» asacyjujecca z kampanijaj Samsonas i jakaściu.
My vyrašyli, što ŭsie svaje tavary možam prapanoŭvać pad brendam Samsonas. Jak raz ciapier hieapalityčnaja situacyja abaviazvaje nas i my adčuvajem hramadzianski abaviazak admovicca ad słova «saviecki», - skazaŭ Rymzidzis.
Pa dadzienych kampanii daśledavańnia rynku Nielsen, pradstaŭlenym u minułym hodzie, brend «Savieckija» zajmaje 8-je miesca ŭ śpisie najpapularniejšych praduktaŭ u Litvie.