beeld.com
beeld.com
Paŭdniovaafrykanski sud prysudziŭ čempijona Paralimpijskich hulniaŭ Oskara Pistoryusa, pryznanaha vinavatym u nienaŭmysnym zabojstvie svajoj siabroŭki Ryvy Stynkamp, da piaci hadoŭ źniavoleńnia.
U vieraśni hetaha hoda sud pryznaŭ Pistoryusa vinavatym u nienaŭmysnym zabojstvie i adpuściŭ padsudnaha pad zakład da vyniasieńnia prysudu.
Ryva Stynkamp była zabitaja ŭ lutym 2013 hoda. Pistoryus kazaŭ, što zabiŭ jaje, pa pamyłcy pryniaŭšy za rabaŭnika.
Prakuror prasiŭ pryznačyć paŭdniovaafrykanskamu lohkaatletu pakarańnie ŭ vyhladzie pazbaŭleńnia voli terminam jak minimum 10 hadoŭ.
Abarona na pracesie Pistoryusa paprasiła pryznačyć dla jaho pakarańnie ŭ vyhladzie hramadskich rabot na try hady.
Sudździa Takazile Masipa skazała, što było vielmi składana vynieści pravilny vierdykt, zrabić tak, kab pakarańnie było suraźmierna zroblenamu.
Pistoryusu pahražała da 15 hadoŭ turmy.
