Dehi Dudajeva — syna byłoha prezidenta Čačni Džachara Dudajeva, prakuror u Vilni prapanavaŭ pakarać dzieviaćciu miesiacami pazbaŭleńnia voli z adterminoŭkaj pakarańnia na adzin hod.
Pavodle śćviardžeńnia prakurora, D.Dudajeŭ svaju vinu pryznaŭ, ale admaŭlaje, što dziejničaŭ u składzie arhanizavanaj hrupy. Złačynnyja dziei jon ździajśniaŭ, nibyta, z žadańnia dapamahčy vyjechać z Rasii svajakam, jakija nie mahli hetaha zrabić z-za svajho svajactva z byłym čačenskim lidaram.
Raniej D.Dudajeŭ kazaŭ, niby chacieŭ dapamahčy pierabracca ŭ Jeŭropu siemjam, jakim niebiaśpiečna žyć na Kaŭkazie.
Jaho taksama vinavaciać u zachoŭvańni narkatyčnych rečyvaŭ, ale pa hetym abvinavačvańni ŭžo minuŭ termin daŭniny.
Prakuratura ŭstanaviła, što troje abvinavačanych u nieŭstanoŭlenych asob nabyli sapraŭdnyja litoŭskija pašparty, paśla čaho, pa zamovie D.Dudajeva, padrabili ich, smakietavaŭšy pa pradstaŭlenych im ankietnych źviestkach.