Dla krain-členaŭ ES pryśpieŭ čas pračnucca i dapamahčy Ukrainie abaranicca, kab nie być vymušanymi paśla zmahacca za siabie.
Pra heta piša ŭ svaim artykule viadomy amierykanski finansist i miecenat Džordž Soras.
Na jaho dumku, sankcyi suprać Rasiei nieabchodnyja, adnak jany źjaŭlajucca nieabchodnym złom, pakolki akazvajuć niehatyŭnaje ŭździejańnie nie tolki na ruskuju, ale i na jeŭrapiejskija ekanomiki.
«Razam z tym akazańnie dapamohi Ukrainie ŭ baraćbie suprać rasiejskaj ahresii akaža stymulujučaje ŭździejańnie nie tolki na Ukrainu, ale i Jeŭropu», — adznačaje Soras.
«Heta pryncyp, pavodle jakoha jeŭrapiejskaja dapamoha pavinna akazvacca Ukrainie», — dadaje jon.
Z asablivaj pavahaj u hetym kantekście Soras źviartajecca da kanclera Hiermanii Anhieły Mierkiel, jakaja, pa jaho słovach, paviała siabie jak sapraŭdnaja jeŭrapiejka, reahujučy na pahrozu ad Rasiei, i była hałoŭnaj prychilnicaj sankcyj suprać RF.
«Jana pavinna być navat bolš zasiarodžanaj na tym, kab dapamahčy Ukrainie, čym uvieści sankcyi ŭ dačynieńni da Rasiei», — piša Soras.
«Tak ci inakš, unutranuju supiarečnaść pamiž tym, kab być u stanie vajny i zastavacca prychilnikami žorstkaj biudžetnaj ekanomii, pavinna być likvidavana. Tam, dzie jość vola, jość šlach», — piša miecenat.
Soras taksama vykazvaje svaju zaniepakojenaść «mahčymaj bujnoj uhodaj» pamiž Pucinym i Abamam.
«Ja padazraju, što moža być pierśpiektyva bujnoj uhody, u jakoj Rasieja budzie dapamahać ZŠA suprać ISIS, naprykład, nie budzie pastaŭlać u Siryju rakiety S300, jak abiacała, zachoŭvajučy takim čynam daminavańnie ZŠA. I tady Rasii budzie dazvolena iści svaim šlacham u «blizkim zamiežžy», jak nazyvajuć krainy, jakija miažujuć z Rasiejaj», — piša jon.
«Jašče horš toje, što prezident Abama moža pryniać takoje pahadnieńnie», — dadaje Soras.
Nahadajem, raniej Džordž Soras inicyjavaŭ stvareńnie stratehičnaj hrupy daradcaŭ dla dapamohi ŭkrainskaj uładzie ŭ praviadzieńni reformaŭ.
