Taryfy na pasłuhi i raboty, što akazvajucca abo vykonvajucca Dziaržaŭtainśpiekcyjaj MUS Biełarusi, pavialičany ŭ adpaviednaści z pastanovaj Ministerstva ekanomiki krainy №68 ad 3 kastryčnika 2014 hoda, jakaja 25 kastryčnika aficyjna apublikavana na Nacyjanalnym pravavym internet-partale.
Vyjezd supracoŭnika DAI dla pryjomu pa miescy raźmiaščeńnia navučalnaj arhanizacyi kvalifikacyjnaha ekzamienu na prava kiravańnia miechaničnym transpartnym srodkam, praviadzieńnia zaniatkaŭ pa Praviłach darožnaha ruchu budzie kaštavać Br50 tys. za hadzinu, pradastaŭleńnie aŭtadroma dla navučańnia vadžeńniu (na aŭtamabili ŭładalnika) ) - Br13 tys. za hadzinu.
Vydača kamplekta kopij dakumientaŭ, jakija pasłužyli padstavaj dla rehistracyjnych dziejańniaŭ adnosna transpartnaha srodku, abydziecca Br25 tys., materyjałaŭ spravy ab administracyjnym pravaparušeńni - Br30 tys.
Udzieł supracoŭnika DAI ŭ pasiadžeńniach pryjomačnych kamisij i pryjomačnych, kvalifikacyjnych i inšych vyprabavańniach transpartnych srodkaŭ, sastaŭnych častak ich kanstrukcyi i dadatkovaha abstalavańnia budzie kaštavać Br200 tys.
Supravadžeńnie aŭtamabilem DAI ciažkavahavych abo bujnahabarytnych transpartnych srodkaŭ, niebiaśpiečnych hruzaŭ pry ich pieravozcy ŭ miežach nasielenaha punkta na adlehłaść da 10 km uklučna składzie Br110 tys., da 20 km uklučna - Br170 tys.; zvyš 20 km - Br220 tys. Heta ž pasłuha, jakaja akazvajecca za miežami nasielenych punktaŭ, budzie kaštavać Br7 tys. za 1 km.
Košt uzhadnieńnie źmiestu infarmacyi na papiarovych (knihi, brašury, płakaty, inšaja drukavanaja pradukcyja) i elektronnych nośbitach, što zakranaje śfieru zabieśpiačeńnia biaśpieki darožnaha ruchu, składzie Br120 tys. za adzin umoŭny drukavany arkušabo 50 Mb.
Pastanovu Minekanomiki numar 68 taksama dapaŭniaje instrukcyja ab paradku ŭstanaŭleńnia i prymianieńnia taryfaŭ na pasłuhi i raboty, jakija akazvajucca abo vykonvajucca DAI. U adpaviednaści ź instrukcyjaj, pry raźliku płaty za supravadžeńnie aŭtamabilem DAI ciažkavahavych i (abo) bujnahabarytnych transpartnych srodkaŭ, niebiaśpiečnych hruzaŭ pry ich pieravozcy ŭ miežach nasielenaha punkta i pa-za jaho miežami ŭličvajecca prabieh aŭtamabila DAI tolki ŭ adzin bok (pa maršrucie supravadžeńnia).
Pastanova ŭstupaje ŭ siłu praź piać dzion paśla jaje aficyjnaha apublikavańnia
