Biełaruskaść siońnia aktyŭna nabyvaje papularnaść. Nasić cišotki sa staradaŭnimi arnamientalnymi znakami, razmaŭlać pa-biełarusku pacichu stanovicca sapraŭdy modnym.
Navat samyja vyšejšyja koły hramadstva tak ci inakš pačali kazać pra najaŭnaść u nas nacyjanalnaj asablivaści, jakuju treba raźvivać. Cikava, ale moda na biełaruskaść isnuje nie tolki ŭ našaj krainie.
Nieviadoma jak, ale biełaruskija nacyjanalnyja ŭzory j kolery patrapili ŭ kalekcyju viadomaha repiera Snup Doha, jaki źmiaściŭ niekalki rečaŭ ź sieryi SNOOP LOVES BELARUS na svajoj staroncy ŭ Instagram. Siarod tavaraŭ ź biełaruskim arnamientam — cišotki, zaplečniki, čachły dla telefonaŭ i płanšetaŭ. Cišotka, da prykładu, budzie kaštavać kupcu $28.
Snup Doh nie tolki rep-vykanaŭca, ale i talenavity biznesmen. U jaho šmat kamiercyjnych prajektaŭ, siarod jakich i vytvorčaść ułasnaj linii adzieńnia.
Chto viedaje, a raptam jahony prykład natchnić i inšych zorak (moža, navat ajčynnych) na ŭžyvańnie biełaruskaha ŭ svaich kalekcyjach…
