president.gov.by
Biełaruś nadaje važnaje značeńnie raźvićciu supracoŭnictva z Abjadnanymi Arabskimi Emiratami i bačyć istotny patencyjał dla jaho naroščvańnia.
Ab hetym išła razmova na sustrečy 28 kastryčnika Alaksandra Łukašenki z naślednym pryncam emirata Abu-Dabi, namieśnikam Viarchoŭnaha hałoŭnakamandujučaha Uzbrojenymi siłami AAE šejcham Muchamiedam bien Zaidam al-Nachajanam.
U čas sustrečy, jakaja doŭžyłasia bolš jak dźvie hadziny, byli abmierkavany jak biahučyja prajekty, tak i akreśleny zadačy na bližejšuju pierśpiektyvu.
Alaksandr Łukašenka i šejch Muchamied bien Zaid al-Nachajan dali daručeńni vyznačyć 3-4 klučavyja prajekty, realizacyja jakich dała b mahčymaść vyvieści adnosiny pamiž dźviuma krainami na jakasna novy ŭzrovień.
Baki z zadavalnieńniem adznačyli stanoŭčyja vyniki druhoha pasiadžeńnia sumiesnaha kamiteta pa supracoŭnictvie pamiž uradam Biełarusi i ŭradam AAE.
AAE — asnoŭny handlovy partnior Biełarusi siarod arabskich dziaržaŭ Piersidskaha zaliva. Asnoŭnymi artykułami biełaruskaha ekspartu ŭ AAE źjaŭlajucca častki dla aŭtamabilaŭ i traktaroŭ, tytuniovyja vyraby, sintetyčnyja vałokny, ruchaviki i siłavyja ŭstanoŭki, kalijnyja ŭhnajeńni, padšypniki, pryčepy i paŭpryčepy. Pa stanie na 2013 hod u Biełarusi było zarehistravana 14 arhanizacyj z udziełam emirackaha kapitału i pryciahnuta inviestycyj z AAE na sumu $54 młn.
Biełaruś i AAE vyznačaje vysoki ŭzrovień palityčnaha ŭzajemadziejańnia. Pazicyi dźviuch krain supadajuć pa klučavych pytańniach mižnarodnaha paradku dnia, jakija razhladajucca ŭ AAN.
