U Mahilovie hramadskija aktyvisty 31 kastryčnika pačali zbor podpisaŭ za adnaŭleńnie Dubrovienskaj bramy — ujaznych varot u haradski zamak, jaki ciapier nie isnuje.
«Ideja adradžeńnia Dubrovienskaj bramy siarod mahiloŭskich historykaŭ i hramadskich aktyvistaŭ źjaviłasia ŭžo daŭno. Štości było zroblenaje raniej, ale miascovyja ŭłady nie byli ŭ hetym zacikaŭlenyja. Na miescy, dzie kaliści stajała Dubrovienskaja brama, ułady prapanavali zrabić naziralnuju placoŭku, adnak jana tam tak i nie źjaviłasia, što ŭ pryncypie dobra, bo zastałosia miesca dla adradžeńnia bramy», — skazaŭ Ihar Barysaŭ, hałoŭny redaktar niezaležnaha internet-vydańnia «Naš Mahiloŭ».
Na dumku aktyvista, adnoŭlenaja blizu płoščy Słavy Dubrovienskaja brama moža stać jašče adnym simvałam horada i znachodzicca ŭ adnym šerahu z ratušaj, dramatyčnym teatram, Astrołaham, kaściołam Śviatoha Stanisłava i Śviata-Mikolskim manastyrom. Akramia taho, jana budzie vydatnym napaminam pra Mahiloŭski zamak, ad jakoha na siońnia ničoha nie zastałosia, adznačaje Barysaŭ.
U jakaści ŭzoru dla adnaŭleńnia bramy jon prapanuje ŭziać jaje vyjavu na adnoj z karcin mahiloŭskaha mastaka Vasila Kamarova.
Barysaŭ padkreśliŭ, što zbor podpisaŭ za adnaŭleńnie Dubrovienskaj bramy prachodzić u miežach infarmacyjnaj kampanii «Zachavajem stary Mahiloŭ», meta jakoj zaklučajecca ŭ niedapuščeńni razbureńnia histaryčnych budynkaŭ horada, ich svoječasovym ramoncie, a taksama adradžeńni historyka-kulturnaj spadčyny.
