Praciah kryzisu va Ukrainie «pryciahnie Biełaruś da bolšaha supracoŭnictva z krainami Zachadu», — zajaviŭ u intervju ahienctvu Associated Press ministr ekanomiki Biełarusi Mikałaj Snapkoŭ.
Snapkoŭ skazaŭ, što Biełaruś mahła b zaniacca pierapracoŭkaj praduktaŭ charčavańnia, pastaŭki jakich ź ES Rasija abmiežavała, dla taho, kab paśla hetaha jano mahło traplać na rasijski rynak.
«Našy kalehi i partniory pa Jeŭrazijskaj ekanamičnaj supolnaści nie suprać suviaziaŭ Biełarusi ź jeŭrapiejskimi partniorami», — adznačyŭ ministr.
«Rasija i inšyja členy Jeŭrazijskaj ekanamičnaj supolnaści hatovyja da taho, kab Biełaruś pierapracoŭvała małako, harodninu, sadavinu dy inšaje charčavańnie z krain ES i reekspartavała abo ekspartavała ich partnioram pa Jeŭrazijskaj ekanamičnaj supolnaści», — ličyć ministr.
Jon daŭ hetaje intervju napiaredadni biełaruskaha inviestycyjnaha forumu ŭ Łondanie, z dapamohaj jakoha biełaruski ŭrad sprabuje pryvabić zamiežnych inviestaraŭ.
Snapkoŭ ličycca pradstaŭnikom refarmatarskaha kryła ŭ biełaruskaj administracyi, blizkim da Viktara Łukašenki, syna kiraŭnika dziaržavy.
Ci zmoža Biełaruś uciačy z zony ŭpłyvu Rasii, skarystaŭšysia vajnoj va Ukrainie? Na fota: tufli ministra ekanomiki RB.
