Fota guim.co.uk.
Amierykanskija žurnalisty aburylisia tym, što vučony Met Tejłar pryjšoŭ na prezientacyju ŭ kašuli z hołymi žančynami.
«Mnie plavać, što vy pasadzili kaśmičny aparat na kamietu, vaša kašula sieksisckaja», — pad takim zahałoŭkam vyjšaŭ artykuł na The Verge.
Na ich dumku, heta prynižaje žančyn i zakryvaje im šlach u navuku.
«Jany bačać takoha chłopca na TB i dumajuć, što im tam nie radyja. Jany bačać płakaty z abmazanymi alejem žančynami ŭ ofisach tavaryšaŭ pa słužbie i viedajuć, što ich tam nie pavažajuć… Z takoj atmaśfieraj sutykajucca kožny dzień žančyny, jakija marać pracavać u NASA abo ESA», — praciahvaje vydańnie.
U vyniku kašulu Tejłara stali burna abmiarkoŭvać u sacsietkach, mierkavańni padzialilisia.
Adny paličyli, što nie maje značeńnia, u što apranuty vučony, jaki spryjaŭ histaryčnaj kaśmičnaj padziei. Inšyja ž dałučylisia da mierkavańnia žurnalistaŭ, pahadziŭšysia, što Tejłara pavinny byli pieraapranuć.
Sam ža Met Tejłar paźniej raskazaŭ, što kašula kaštoŭnaja dla jaho jak pamiać.
Fota twitter.com/mggtTaylor.
«Maja kašula — padarunak na dzień naradžeńnia ad dziaŭčyny Eli Pryzman», — napisaŭ vučony ŭ Tvitary. Akazałasia, što skandalny ŭbor jaho siabroŭka pašyła svaimi rukami.
Łabaratorny modul «Fiły» (Philae) paśpiachova sieŭ na pavierchniu kamiety 67P / Čurumava — Hierasimienka. Heta histaryčnaja padzieja, bo adbyłasia takaja pasadka ŭpieršyniu. Tem Tejłar prymaŭ udzieł u realizacyi hetaha prajekta.
