Navukovy modul «Fiła», jaki ździejśniŭ pasadku na pavierchniu jadra kamiety Čurumava-Hierasimienka, paśla niepraciahłaj pieradačy dadzienych na Ziamlu ŭ subotu dniom znoŭ pierajšoŭ u sonny režym, havorycca ŭ paviedamleńni navukoŭcaŭ Jeŭrapiejskaha kaśmičnaha ahienctva (JEKA).
Modul pryziamliŭsia ŭ cieni reljefnaha ŭtvareńnia, padobnaha na ŭcios. Heta i pieraškadžaje aparatu padsiłkoŭvać soniečnyja batarei. Kantakt z modulem źnik 15 listapada ŭ 03.36 msk i adnaviŭsia nienadoŭha ŭ 13.00 msk, paśla taho jak batarei modula zmahli zhienieravać dastatkova enierhii.
Mahčyma, kali modul apyniecca na soniečnym boku, soniečnaj iluminacyi budzie dastatkova, kab jaho abudzić i adnavić tranślacyju.
Hetaja fatahrafija zroblenaja kamieraj, raźmieščanaj u nižniaj častcy zonda «Fiły» 14 listapada niezadoŭha da jaho pasadki. Vialiki kamień, jaki na zdymku vidać pa pravym baku i ŭviersie, maje dyjamietr 5 mietraŭ.
Z dapamohaj modula navukoŭcy płanujuć vyvučyć chimičny skład jadra kamiety.
Ale niekatoryja atrymanyja dadzienyja ŭžo prakamientavaŭ astrafizik Klim Čurumaŭ. Naprykład, hučańnie kamiety moža być vyklikana niezvyčajnaj formaj jaje jadra. Pra heta, jak pieradaje ria.ru, astrafizik raspavioŭ u intervju łatvijskaj radyjostancyi Baltkom.
«Hołas maje kožnaje niabiesnaje cieła. Patrebna asiarodździe, kab huki raspaŭsiudžvalisia. U nas, na Ziamli, kali nie było b pavietra, my nijakich hukaŭ nie čuli b. Hetak ža i u ciele ziamli raspaŭsiudžvajucca huki. Voś i ŭ ciele kamiety hučańnie raspaŭsiudžvajecca.
Kožnaje cieła maje ŭłasnuju formu: u kamiety Čurumava-Hierasimienki dva pataŭščeńni i pieramyčka.
Heta kaśmičny muzyčny instrumient. Hetaje hučańnie — realnaja reč. Možna skazać, što jana tak radujecca, što jaje naviedali razumnyja ludzi», — raspavioŭ Čuriumov.
Modul «Fiła» kaśmičnaha zonda «Razieta» vysadziŭsia na trochkiłamietrovaje jadro kamiety Čurumova-Hierasimienki ŭ sieradu prykładna ŭ 18.35 msk.
