Kampanija «Viełkom» painfarmavała ab pavieličeńni koštu pasłuh suviazi. Z 27 listapada 2014 h budzie pavyšany košt abanienckaj płaty, zychodnych nacyjanalnych hałasavych vyklikaŭ, taryfaŭ na śpiecyjalnyja i dadatkovyja pasłuhi i SMS-paviedamleńni.
Velcom praviadzie i ŭnifikacyju koštu mižnarodnych vyklikaŭ u hadziny najbolšaj i najmienšaj nahruzki.
U toj ža čas videazvanki, zychodnyja hałasavyja mižnarodnyja vykliki u hadziny najbolšaj nahruzki, internet-trafik bolšaści taryfnych płanaŭ, a taksama abanienckaja płata i hałasavyja vykliki taryfnaha płanu «Sacyjalny» nie źmieniacca.
Taksama źmieny nie zakranuć štomiesiačnych płaciažoŭ za abstalavańnie, nabytaje ŭ rasterminoŭku.
Akramia taho, z 1 śniežnia 2014 velcom madernizuje šerah papularnych taryfnych płanaŭ, što pryviadzie da źnižeńnia koštu ŭklučanaha ŭ abanienckuju płatu internet-trafiku.