Akvapark «Lebiadziny» — pieršy park vodnych zabavak u Biełarusi, raźmieščany na malaŭničym bierazie vadaschovišča Drazdy. Pierad pačatkam śviatočnaha siezona na sajcie akvaparku źjaviłasia prapanova adśviatkavać u hetym miescy Novy hod.
Dla žycharoŭ i haściej biełaruskaj stalicy prapanoŭvajucca dva pakiety: «Navahodni» i «Navahodni+». Košt pieršaha pakieta — 1.112.000 rub., «Navahodniaha+» — 1612000 rub. Plus u dadzienym vypadku aznačaje propusk u termalny kompleks, a tak pasłuha identyčnaja: ščaślivym uładalnikam kvitka prapanoŭvajuć uvajści ŭ akvatoryju, pahojsać na horkach da hadziny nočy, pazavichacca la furšetnych linij.
Ćvik prahramy — śviatočnaje šou «Novy hod narodaŭ śvietu», jakoje, pačynajučy z 20.00 i da 5.00 prapanuje sustreć ŭschodni, havajski, rasijski, mieksikanski i ŭkrainski Novyja hady.
Praŭda, «All inclusive» u «Lebiadzinym» — limitavany. Jak raspaviali ŭ akvaparku, padsiłkavacca čałavieku na furšetnaj linii možna budzie na 600 tysiač. Kali stravaŭ i napojaŭ nie chopić, ich možna budzie dakupić.
Fota mieniu: