Uładzimir Putcin i siamja Łukašenkaŭ na vajskovych vučeńniach.
Jak ličyć Andrej Iłaryjonaŭ, vajna z Ukrainaj, na dumku Kramla, pavinna stać častkaj «čaćviortaj suśvietnaj».
Ab hetym eks-daradca prezidenta Rasii, jaki ciapier zajmaje pasadu starejšaha navukovaha supracoŭnika Centra Instytuta Katona pa hłabalnaj svabodzie i roskvitu (Vašynhton), zajaviŭ u svaim vystupie na kanfierencyi ŭ Bruseli, piša UNIAN.
Ekśpiert pierakanany, što padziei va Ŭkrainie nielha nazyvać «ni kryzisam u Ukrainie, ni ukrainskim kryzisam». «Heta ŭžo nie kryzis, a vajna. Heta vajna ŭ vielmi prostym sensie hetaha słova», — zajaviŭ jon.
Pastaviŭšy pytańnie, jakoha vidu hetaja vajna, Iłaryjonaŭ sam na jaho adkazaŭ: «Heta — rasiejska-ŭkrainskaja vajna. Kali być bolš dakładnym, heta vajna Pucina suprać Ukrainy».
«Bolšaść rasiejcaŭ nie padtrymlivajuć hetuju vajnu. Vajna Pucina suprać Ukrainy ŭžo źjaŭlajecca doŭhaterminovaj», — pierakanany ekśpiert.
Svajo mierkavańnie adnosna taho, čamu hetaja vajna źjaŭlajecca doŭhačasovaj, Iłaryjonaŭ pačaŭ tłumačyć tym, što, pa jaho pierakanańni, jana rychtavałasia, minimum 11 hadoŭ.
«Z 2003 hoda. Ja mahu skazać, što ŭ majoj prysutnaści abmiarkoŭvalisia niekatoryja pytańni budučaj vajny suprać Ukrainy. U toj čas ja nie dumaŭ, što heta abmierkavańnie sapraŭdy pryviadzie da sapraŭdnaj vajny», — skazaŭ jon.
Dalej ekśpiert uspomniŭ 2004 hod, kali padčas Aranžavaj revalucyi praviarałasia padrychtoŭka dalejšaj akupacyi i aneksii Krymie. U 2008 hodzie była apublikavanaja ŭ «Ruskim časopisie» ŭciečka płana vajennaha kamandavańnia, «u jakim vy ŭbačycie prajekt vajny suprać Ukrainy, apisany ŭ detalach», z 2009 — paviedamleńnie ab dziejańniach, nakiravanych na padtrymku sieparatystaŭ va Ukrainie.
«Mienavita tamu hetuju vajnu rychtavali vielmi doŭha. Heta praciahłaja vajna, jakaja doŭžycca ŭžo bolš čym 16 miesiacaŭ, i była aficyjna pačata 27 lipienia 2013 hoda ŭ vystupie Pucina ŭ Kijevie z nahody Chryščeńnia Kijeŭskaj Rusi», — ličyć jon.
Iłaryjonaŭ taksama ličyć, što, «na žal, hetaja vajna chutka nie skončycca». «My bačym, što Pucin kaža toje, što jon robić. My majem spravu z doŭhaterminovaj vajnoj. Ale heta nie tolki vajna Pucina suprać Ukrainy», — pierakanany ekśpiert.
U hetym aśpiekcie jon uspomniŭ prablemy z Hruzijaj, Armienijaj, Azierbajdžanam, Prydniastroŭjem, Kazachstanam.
«Pucin skazaŭ, što Kazachstan nie maje histaryčnaj dziaržaŭnaści. Heta vyrazna značyć, što dziaržava, jakaja nie maje histaryčnaj dziaržaŭnaści, moža jaje stracić, kali Nazarbajeva nie budzie pobač», —
skazaŭ ekśpiert, pakazaŭšy i na padziei, jakija za apošnija niekalki tydniaŭ adbylisia ŭ Łathalii — Uschodniaj Łatvii, dzie pražyvaje ruskamoŭnaje nasielnictva.
«Namier taki ž, jak u Krymie i na ŭschodzie Ukrainy — toj ža padychod.
Heta vyklik nie tolki postsavieckim krainam i respublikam, heta vyklik usiamu ES i NATA. A na hety vyklik niama adkazu», — padkreśliŭ Iłaryjonaŭ.
Ekśpiert kaža, što metaj takich dziejańniaŭ źjaŭlajecca «razburyć paradak, jaki isnuje ŭ Jeŭropie apošnija dziesiacihodździ».
Iłaryjonaŭ taksama pakazaŭ na dva apošnija vystupy Pucina na Vałdaje i ŭ Sočy, «jakija majuć vialikuju važnaść dla luboj jeŭrapiejskaj palityki».
U suviazi z hetym jon pravioŭ paraŭnańnie hetych vystupleńniaŭ ź listami Adolfa Hitlera, jakija byli adpraŭlenyja premjer-ministru Vialikabrytanii Čembierlenu 23 i 25 žniŭnia 1939, u jakich Hitler prapanoŭvaŭ źmianić suśvietny paradak.
Ekśpiert śćviardžaje, što isnuje 25 ahulnych momantaŭ pamiž hetymi listami i vystupami Pucina, «amal napisanymi pad kapirku».
«Amal słova ŭ słova, prapanova ŭ prapanovu, ideja ŭ ideju. Tolki niekalki miesiacaŭ tamu my havaryli pra ideju Pucina adnavić tak zvany «Ruski śviet». Heta ŭžo sastareła. Zaraz ambicyi značna vyšej. Heta prapanovy pa źmianieńni suśvietnaha paradku, mižnarodnaj sistemy, jakaja isnuje z kanca Druhoj suśvietnaj vajny.
Tamu ciapier my majem spravu nie z rehijanalnymi prablemami, takimi, jak vajna Pucina suprać Ukrainy ci vajna suprać susiedziaŭ na postsavieckaj prastory, abo vajna suprać ES i NATA. Heta źmianieńnie ŭsiaho suśvietnaha paradku», — kaža Iłaryjonaŭ.
Pavodle jaho słoŭ, Pucin i «jaho mašyna prapahandy vyrazna skazali, što heta čaćviortaja suśvietnaja vajna». «Kali vy ich słuchajecie, to heta całkam zrazumieła.
Jany rasceńvajuć chałodnuju vajnu jak treciuju, i ciapier kažuć, što jany ŭ čaćviortaj suśvietnaj vajnie, kab źmianić praviły hulni», — ličyć ekśpiert.
Iłaryjonaŭ uspomniŭ i dva elemienty takoj kanfrantacyi. «Heta — infarmacyjnaja vajna ci, skazać pravilniej, dezinfarmacyjnaja vajna na ŭsich movach, jakaja stvaraje novaje bačańnie suśvietnaha paradku. Na žal, my pavinny pryznać, što jany dasiahnuli peŭnaha pośpiechu nie tolki ŭ Rasii ale i ŭ inšych miescach», — skazaŭ jon.
Inšym elemientam eks-daradca nazvu «jadzierny šantaž». «Heta najbolš niebiaśpiečna. Luby adkazny palityk u Jeŭropie ci Amierycy budzie rabić usio mahčymaje, kab nie dazvolić zdarycca jadziernaj vajnie. Mienavita tamu prapanova, jakoje źmiaščajecca ŭ vystupach Vałdaj-Sočy vielmi vyraznaja — vy pavinny ŭspryniać novyja ŭmovy suśvietnaha paradku, inakš ja budu pahražać jadziernaj zbrojaj. Hety vyklik, na jaki śviet jašče nie maje adkazu», — traktuje vystupu Pucina ekśpiert.
U hetaj suviazi Iłaryjonaŭ vykazaŭ pierakanańnie, što kaniec hetaj vajnie «pryjdzie tady, kali Rasieja budzie svabodnaj i demakratyčnaj dziaržavaj».
«Pakul Rasija budzie znachodzicca pad dyktaturaj, ryzyki i pahrozy dla śvietu buduć isnavać», — ličyć Iłaryjonaŭ.
