Pravaabaronca Alena Tankačova 28 listapada padała skarhu ŭ HUUS Minharvykankama na rašeńnie Pieršamajskaha RUUS ab vysyłcy ź Biełarusi.
«Siońnia skarha była zarehistravanaja va ŭstanoŭlenym paradku. Zaraz jedu damahacca, kab Pieršamajskaje RUUS na padstavie padadzienaj skarhi prypyniła vysyłku na try miesiacy», — paviedamiła Tankačova.
Nahadajem, 5 listapada Pieršamajskaje RUUS pradpisała Tankačovaj na praciahu miesiaca pakinuć Biełaruś i zabaraniła joj naviedvać krainu ŭ najbližejšyja try hady.
Abskardžańnie rašeńnia praduhledžvaje prypynieńnie pradpisańnia ab vysyłcy na try miesiacy.
Pra heta pravaabaroncy 20 listapada na asabistym pryjomie paviedamiŭ načalnik departamienta pa hramadzianstvie i mihracyi MUS Biełarusi Alaksiej Biahun.
Tankačova źjaŭlajecca hramadziankaj Rasii, ale žyvie ŭ Biełarusi pryblizna 30 hadoŭ, maje tut nieruchomaść i pastajannuju pracu.
Na praciahu 20 hadoŭ jana i Centr pravavoj transfarmacyi, jaki jana ŭznačalvaje, akazvajuć prafiesijnuju jurydyčnuju i ekśpiertnuju padtrymku niekamiercyjnym arhanizacyjam Biełarusi, a taksama ŭ situacyjach z parušeńniami pravoŭ čałavieka.
Padstavaj dla rašeńnia ŭład stali fakty niaznačnaha pieravyšeńnia chutkaści aŭtamabilem Tankačovaj, zafiksavanyja videakamierami.
Siem tysiač podpisaŭ, sabranyja hramadskimi aktyvistami pad prośbaj nie vysyłać Tankačovu z krainy, na rašeńnie ŭład nie paŭpłyvali.
Pavodle pradpisańnia UUS Pieršamajskaha rajona Minska ad 5 listapada, na praciahu miesiaca Tankačova pavinna pakinuć terytoryju Biełarusi, ujezd na jakuju joj zabaronieny ŭ najbližejšyja try hady.
Pradstaŭniki hramadzianskaj supolnaści ličać dziejańni ŭład niepraparcyjanalnaj i palityčna matyvavanaj sankcyjaj, źviazanaj z prafiesijnaj dziejnaściu pravaabaroncy.
