Hienieralny sakratar NATA Jens Stołtenbierh nie bačyć nieabchodnaści abo mahčymaści dla rašeńnia ab vajennaj padtrymcy Kijeva.
Pra heta jon zajaviŭ padčas pres-kanfierencyi napiaredadni sustrečy kiraŭnikoŭ MZS aljansu. «NATA pastajanna vykazvaje vyraznuju padtrymku Ukrainy z pačatku kryzisu», — padkreśliŭ jon.
Jens Stołtenbierh nahadaŭ, što ŭ aljansu niama mahčymaści samastojna dać Kijevu vajennuju padtrymku. U toj ža čas jon nie bačyć nieabchodnaści ŭ tym, kab prymać stratehičnaje rašeńnie ab dapamozie Ukrainie z boku dziaržaŭ — členaŭ aljansu.
«U aŭtorak my zapuścim pracu čatyroch trastavych fondaŭ NATA dla Ukrainy», — paviedamiŭ hienieralny sakratar.
Na jaho dumku, aljans pavinien sprabavać źmianić pavodziny Rasii šlacham jaje izalacyi.
«U Rasii jość vybar ci jana praciahvaje parušeńnie mižnarodnaha prava i stanovicca ŭsio bolš i bolš izalavanaj, ci jana viartajecca da vykanańnia mižnarodnych damoŭlenaściej i svaich abaviazacielstvaŭ i vierniecca da supracoŭnictva sa śvietam», — zajaviŭ Jens Stołtenbierh.