Doŭhi čas paśla Druhoj suśvietnaj vajny Finlandyja zajmała padkreślena niejtralnuju pazicyju pamiž krainami Zachadu i SSSR, a palityka RF apošnim časam prymušaje finskaje kiraŭnictva dumać pra mahčymuju admovu ad pazabłokavaha statutu.
Anieksija Kryma, padtrymka Rasijaj antyŭkrainskich bajevikoŭ na Danbasie i incydenty z rasijskimi karablami i samalotami ŭ paŭnočnaj Jeŭropie, u tym liku la miežaŭ Finlandyja, vyklikali pačućcio niebiaśpieki ŭ finaŭ.
«U nas doŭhaja historyja adnosinaŭ z Rasijaj - i niezaŭsiody mirnaja. Tamu ŭsio, što robiać rasijcy, finy zaŭvažajuć i aceńvajuć», - adznačyŭ u listapadzie finski prezident Saŭli Nijniścio.
Krytyki ŭstupleńnia da NATA kažuć, što reakcyja Maskvy moža być małapradkazalnaj. Inšyja adznačajuć, što abarona krainy važniej za mahčymyja ekanamičnyja sankcyi z boku RF.
«Nakirunak padziejaŭ žachlivy. My atrymali niezaležnaść ad Rasii ŭsiaho 100 hod tamu. Krym taksama byŭ častkaj Rasii. Moža jany i tut pasprabujuć viarnuć sabie toje, što naležała im 100 hod nazad?», - kaža Alžbeta Ren, byłaja ministr abarony Finlandyi.
Vosieńniu pra svaju padtrymku idei ŭstupleńnia Finlandyi ŭ NATA zajaviŭ premjer krainy Alaksandr Stub.
«Nam treby było stać siabram (NATA) u 1995 hodzie, kali my dałučylisia da ES», - skazaŭ jon i dadaŭ, što hałoŭnaje dla finaŭ nie toje, jak heta ŭsprymajuć u Maskvie, a ci pavysić hety krok biaśpieku Finlandyi.
Zaraz aficyjnyja asoby pryznajuć, što ŭstup u NATA, kali takoje rašeńnie budzie pryniataje, budzie niachutkim pracesam. Adnak heta nie zaminaje finam, jak i ŭ 1930-ja, rychtavacca da samastojnaj abarony svajoj ziamli, padvyšać uzrovień padrychtoŭki i kuplać novyja ŭzbrajeńni dla svajoj pryzyŭnoj armii.
