Sajt charter97.org paviedamlaje, što supracoŭnikami KDB byŭ zatrymany žurnalist Alaksandr Alesin, nibyta jaho padazrajuć u špijanažy na karyść adnoj ź dziaržavaŭ.
«Pakul nijak nie kamientuju ničoha ŭ hetaj situacyi, adno mahu skazać, što Alesina niekalki dzion nie było na pracy ŭ redakcyi», — kaža hałoŭny redaktar haziety «Biełorusy i rynok» Viačasłaŭ Chadasoŭski.
Alaksandr Alesin — unikalny dla Biełarusi vajskovy analityk. Jahonaje mierkavańnie časta hučyć na staronkach ŚMI i kanfierencyjach.
Pa infarmacyi «Našaj Nivy», Alaksandr Alesin byŭ zatrymany 25 listapada ŭ kaviarni ŭ centry Minska.
Nahadajem, na dniach stała viadoma, što ŭ Litvie za špijanaž na karyść Biełarusi aryštavany saninstruktar vajskovaj čaści.
Z asabistaha žyćcia Alesina viadoma, što jahonaja žonka rana pamierła ad ciažkaj, praciahłaj chvaroby, i jon sam dahadoŭvaŭ dvaich dziaciej.
Raniejšym hučnym vypadkam aryštu pa padazreńni ŭ špijanažy była sprava ksiandza Łazara. Paźniej jon byŭ vypuščany biez suda. A ŭ toj tajamničaj spravie mnohija pabačyli pieradusim šantaž Kaścioła.
Alesin ža, u svaju čarhu, daŭno pracuje ŭ niezaležnaj presie.
