Nihieryjskaja armija paviedamiła ab pierachopie rasijskaha hruzavoha samalota, na borcie jakoha znachodzilisia viertaloty, aŭtamabili i inšaje vajskovaje abstalavańnie, pry hetym uvieś hruz nie byŭ naležnym čynam zadekłaravany.
Pavodle infarmacyi nihieryjskich ŚMI, samalot vylecieŭ sa stalicy Centralnaafrykanskaj respubliki, horada Banhi, i nakiroŭvaŭsia ŭ stalicu Čada Ndžamienu.
Samalot utrymlivajecca ŭ aeraporcie horada Kana na poŭnačy Nihieryi, usie členy ekipaža zatrymanyja. Miascovyja ŭłady pačali rasśledavańnie.
Pasolstva Rasii ŭ Nihieryi paśpiašałasia zajavić, što zatrymany samalot nie rasijski, paviedamlaje Bi-Bi-Si.
Na poŭnačy Nihieryi adbyvajecca kryvavy kanflikt ź isłamistami z terarystyčnaj arhanizacyi «Boka charam». Nihieryja — najbolšaja pa kolkaści nasielnictva kraina Afryki. Jana bujny eksparcior nafty, u vyniku čaho niestabilnaść u joj maje hłabalny ŭpłyŭ.
