Mer Krasnadara Uładzimir Jaŭłanaŭ prapanavaŭ biełaruskim kampanijam pryniać udzieł u sumiesnaj rekanstrukcyi centra horada, a taksama budaŭnictvie žyłych budynkaŭ, daroh, mastoŭ i transpartnych raźviazak.
Jak paviedamiła haradskaja administracyja, u sustrečy z meram Krasnadara pryniaŭ ŭdzieł pieršy namieśnik ministra architektury i horadabudaŭnictva Respubliki Biełaruś Alaksandr Kručanaŭ.
«My mahli b pačać ŭvasableńnie našych prajektaŭ z rekanstrukcyi adnaho z kvartałaŭ u centralnaj častcy Krasnadara, bo ŭ vas jość vialiki dośvied pa adnaŭleńni haradoŭ paśla Vialikaj Ajčynnaj vajny, uźviadzieńni novych sučasnych mikrarajonaŭ», — skazaŭ u chodzie sustrečy Jaŭłanaŭ.
«Našy śpiecyjalisty ŭdzielničali ŭ realizacyi mnohich prajektaŭ na terytoryi Kubani, dapamahali rehijonu likvidavać nastupstvy pavodki ŭ Krymsku, pracavali na alimpijskich budoŭlach u Sočy. Ale patencyjał našych kampanij vykarystany zusim nie całkam - budaŭničy kompleks Biełarusi hatovy ŭdzielničać u realizacyi prajektaŭ u pramysłovaści i hramadzianskim budaŭnictvie, vykarystoŭvajučy samyja sučasnyja materyjały i technałohii », - adznačyŭ Alaksandr Kručanaŭ.
Kaardynavać dziejańni pa raźvićci supracoŭnictva pamiž Krasnadaram i Respublikaj Biełaruś budzie kampanija «Słavianski aljans».
