Alaksandr Łukašenka zapatrabavaŭ ad Ministerstva zamiežnych spraŭ Biełarusi dyviersifikavać ekspart, znajści novyja rynki zbytu dla biełaruskaj pradukcyi. Takuju zadaču jon pastaviŭ pierad MZS padčas sustrečy 12 śniežnia ź ministram zamiežnych spraŭ Uładzimiram Makiejem, paviedamlaje pres-słužba prezidenta.
«My nie majem nijakich ambicyj na mižnarodnaj arenie, nie pazicyjanujem siabie hłabalnym hulcom, nie leziem u čužyja prablemy i spravy. Daj boh, vyrašyć svaje, — adznačyŭ kiraŭnik dziaržavy. — My nie chočam stvarać nijakich prablem nie tolki našym susiedziam, ale i luboj dziaržavie ŭ śviecie, dy i nie zdolnyja hetyja prablemy stvarać. My nie pryhadajem nivodnaha vypadku, kab chtości z susiedziaŭ nam vystaviŭ pretenzii, što my pieraškadžajem žyć».
«Naša ekanomika adkrytaja, i pieravažnaja bolšaść usiaho, što vyrablajecca ŭ krainie, pradajecca na źniešnich rynkach. Adsiul naša źniešnieekanamičnaja stratehija», — padkreśliŭ Łukašenka.
«Učora my damovilisia, što pavinny vyznačycca va ŭradzie i źviarnuć jašče bolš uvahi źniešniepalityčnych pradstaŭnictvaŭ Biełarusi na vyrašeńnie hetych prablem. Treba, kab kožny pasoł ciapier byŭ azadačany prablemami ekspartu, asabliva ŭ suviazi z tym, što adbyvajecca na rasijskim rynku. Heta naš asnoŭny rynak, amal pałovu pradukcyi my pradavali tudy. I vy bačycie, što tam adbyvajecca. U Kazachstanie taksama situacyja niaprostaja, nie tak niadaŭna jany devalvavali svaju nacyjanalnuju valutu. Zusim raźbitaja Ukraina, heta taksama adzin z našych asnoŭnych rynkaŭ», — skazaŭ kiraŭnik dziaržavy.
«Dyviersifikacyja ekspartu, pošuk novych rynkaŭ — pytańnie pieršaradnaj važnaści, pytańnie vyžyvańnia našaj krainy, i z hetaha treba zychodzić, pierš za ŭsio, Ministerstvu zamiežnych spraŭ», — zajaviŭ jon.
«Dla vyrašeńnia hetych pytańniaŭ vy asabista pavinny zadziejničać usie resursy, jakija jość u Biełarusi, — źviarnuŭsia Łukašenka da Makieja. — Kali jość nieabchodnaść — uvieści mianie ŭ kurs spravy, i ja hatovy ŭ hetym kirunku dziejničać. Heta važnyja zadačy, jakija stajać siońnia pierad źniešniepalityčnym viedamstvam i ŭradam u cełym».
«U svaju čarhu, — paviedamlaje pres-słužba, — ministr adznačyŭ, što MZS imkniecca pravodzić šmatviektarnuju palityku, palityku dyviersifikacyi. Jon źviarnuŭ uvahu na pačatak narmalnaha prahmatyčnaha dyjałohu z krainami Jeŭrapiejskaha sajuza, Amieryki, Azii i pazityŭnyja tendencyi pa eksparcie. Tak, pa vynikach 10 miesiacaŭ hetaha hoda nazirajecca palapšeńnie ekspartnych pakazčykaŭ z krainami Amieryki, Azii i, što niemałavažna, z krainami ES».
Kiraŭnik viedamstva taksama źviarnuŭ uvahu na taki važny ź jaho punktu hledžańnia faktar — na fonie pavieličeńnia ekspartu ŭ krainy ES nazirajecca źnižeńnie impartu, amal na 10%.
Makiej prainfarmavaŭ kiraŭnika dziaržavy ab vynikach dziejnaści ministerstva ŭ hetym hodzie, ab raźvićci handlova-ekanamičnaha supracoŭnictva z zamiežnymi krainami i roznymi rehijonami, ab pracy intehracyjnych struktur.
Pavodle jaho słoŭ, MZS užo padrychtavaŭ prapanovy pa novych formach pracy na źniešnich rynkach, jakija ŭličvajuć śpiecyfiku ciapierašniaj mižnarodnaj situacyi, u tym liku ekanamičnaj. U najbližejšy čas hetyja prapanovy buduć nakiravany va ŭrad.
Na sustrečy razmova išła taksama ab źniešniepalityčnych mierapryjemstvach z udziełam Łukašenki, jakija płanujucca na 2015 hod.
Akramia taho, kiraŭniku dziaržavy byŭ uniesieny šerah kadravych prapanoŭ, paviedamlaje pres-słužba.
