Hałoŭny sanitarny doktar Biełarusi Ihar Hajeŭski prypyniŭ abaračeńnie na terytoryi Biełarusi šerahu praduktaŭ charčavańnia z Rasii i Litvy. Infarmacyja pra heta raźmieščanaja na sajcie sanitarna-epidemijałahičnaj słužby Minska.
U adpaviednaści z pastanovaj №60 namieśnika ministra achovy zdaroŭja — hałoŭnaha dziaržaŭnaha sanitarnaha doktara Biełarusi prypynienaje abaračeńnie na terytoryi krainy makaron chutkaha pryhatavańnia «Załataja łapša», «Łahman pa-dunhansku» i «Bih Łanč» vytvorčaści rasijskaj kampanii «BijaFud» Pryčyna — nieadpaviednaść hetych praduktaŭ biełaruskim sanitarna-epidemijałahičnym normam i techničnamu rehłamientu Mytnaha sajuza pavodle mikrabijałahičnych pakaźnikaŭ.
Pastanovaj №61 prypynienaje abaračeńnie ŭ Biełarusi naturalnaj mołataj kavy «Moka» ad rasijskaj kampanii «Paulih Rus». Pryčynaj stała ŭtrymańnie ŭ pradukcie afłataksinu V1.
Raniej pastanovaj Hajeŭskaha byŭ prypynieny tranzit vinnaha hazavanaha napoju Bosca Anniversary vytvorčaści litoŭskaj kampanii «Boślita i Ko», a taksama vyvaz hetaj pradukcyi z terytoryi Biełarusi na terytoryju Rasii.