Amierykanski prezident Barak Abama zajaviŭ ab tym, što ZŠA pačynajuć narmalizacyju adnosin z Kubaj.
Pra heta jon paviedamiŭ u aficyjnym zvarocie, apublikavanym na sajcie Biełaha Doma.
«Ja daručyŭ dziaržsakrataru Džonu Kiery nieadkładna pačać abmierkavańnie z Kubaj adnaŭleńnia dypłamatyčnych adnosin, jakija byli pierapynienyja ŭ studzieni 1961 hoda. ZŠA znoŭ adkryjuć pasolstva ŭ Havanie i vysokapastaŭlenyja čynoŭniki naviedajuć Kubu», - raspavioŭ prezident.
Na jaho dumku, 50 hadoŭ napružanych adnosinaŭ z Havanaj pakazali, što izalacyja nie pryniesła čakanych vynikaŭ.
Abama taksama daručyŭ Kiery pierahledzieć staŭleńnie da Kuby jak dziaržavy, što finansuje teraryzm. Pavodle jaho słoŭ, dziaržava, jakaja nie pryznaje terarystyčnych mietadaŭ, nie pavinna padpadać pad takoje vyznačeńnie.
Hladzieć taksama: U.S. to start talks with Cuba to normalize ties
