Dyrektar fondu pa baraćbie z karupcyjaj (FBK) Raman Rubanaŭ u svaim mikrabłohu raźmiaściŭ paciešnuju fatahrafiju, zroblenuju, miarkujučy pa ŭsim, u redakcyi pieradačy «Viesti», jakuju tranślujuć pa fiederalnym telekanale «Rasija». Na zdymku — dźviery z tabličkaj «Viačerni vypusk prahramy «Viesti». Na dźviarach — tablička z rukapisnym tekstam: «U hetym pakoi zabaroniena ŭsłych ahučvać biahučy kurs rubla!!! U nas usio budzie dobra! I ŭ našych blizkich! I ŭ Rasii ŭsio budzie dobra!!! My ŭstupili ŭ eru Vadaleja, nas čakaje roskvit!!! Usich!!! SŁAVA RASII».
Błohieram fotazdymak spadabaŭsia. «Dyk voś čamu na fiederalnych telekanałach nie zaŭvažajuć abvał rubla», — zdahadaŭsia adzin ź ich. «Sakralnaja Korsuń ŭ eposie Vadaleja — da pośpiechu. Krach ekanomiki da Novaha hoda — drobnyja niełady», — tut ža prydumaŭ narodnuju prymietu inšy karystalnik.
Nahadajem, u paniadziełak uviečary rubiel staŭ samaj słaboj valutaj u śviecie, abvał pradoŭžyŭsia i ŭ aŭtorak, 16 śniežnia. Na praciahu dnia kurs dalara dasiahaŭ 80 rubloŭ, jeŭra — 100 rubloŭ. Učora tarhi zakrylisia pry canie jeŭra ŭ 85,15 rubla, dalara — 67,5 rubla.
Adnak siońnia valutnyja tarhi na Maskoŭskaj biržy adkrylisia pavyšeńniem kursaŭ dalara i jeŭra da rubla. U pieršyja siekundy paśla adkryćcia handlu jeŭra kaštavaŭ 92,2 rubla, dalar — 72,7.
