Udzielniki XXII pazačarhovaj kanfierencyi Biełaruskaha fizkulturna-spartyŭnaha tavarystva «Dynama», jakaja adbyłasia siońnia ŭ Minsku, unieśli šerah istotnych źmianieńniaŭ u statut hetaj arhanizacyi.
Adnym z hałoŭnych novaŭviadzieńniaŭ stała skasavańnie apiakunskaha savieta i ŭstanova naziralnaha savieta BFST «Dynama», staršynioj jakoha budzie ministr unutranych spraŭ Biełarusi Ihar Šunievič. Centralny saviet dynamaŭskaha tavarystva ŭznačalvaje Hienadź Kaleśnik.
Zhodna z novaj redakcyjaj statuta BFST «Dynama» jaho vyšejšym orhanam zastajecca kanfierencyja, a centralny i naziralny saviety buduć kiravać dziejnaściu tavarystva ŭ pieryjad pamiž jaho kanfierencyjami. Centralny saviet budzie źbiracca nie radziej za adzin raz na hod.
Novy statut ustupić u siłu paśla jaho zaćviardžeńnia ŭkazam kiraŭnika dziaržavy.
